Otorite legliz katolik ap vyole dwa viktim deplase yo

Plis pase 1200 fanmi anba menas otorite legliz katolik nan kafou pou abandode espas kote viktim yo ap viv la depi 12 janvye. Lekòl salezyèn nan kafou ki se yon kan kote viktim yo viv, anba menas depi plis pase de mwa, direksyon lekòl la peye bandi pou boule, ak kraze tant viktim yo ki pa gen okenn kote pou yo ale.
Direksyon lekòl la ki benefisye tè gratis gen menm konpòtman ak lòt boujwa ki mande pou peye yo oubyen yo mete moun yo deyò. Yon komite ki rele OVS organisation des victimes du seisme, ap sibi menas lapolis melanje ak bandi paske yo òganize kan pou pa soti san yon pa jwenn kote pou yo rete.

Badette ki se youn nan lidè k’ap òganize kan an nan mawon paske anpil fwa moun ap menase’l pou touye’l si li pa sispann òganize moun yo, gwoup moun sa yo ki peye pa direksyon lekòl katolik salezyèn nan deja kraze twalèt viktim yo ak boule tant yo.

Nan kan salezyèn kafou a viktim yo se ak presyon yo ap viv paske se yon je ouvè ak yon je fèmen yo oblije dòmi paske nenpòt lè bandi ka vin boule tant yo.

Direksyon lekòl la di yo bezwen prepare ouvèti lekòl pou sa ,se pou moun yo degaje yo kite espas la ba yo. N’ap raple ankò se tè Jean Claude Duvalier te fè legliz kado ki tounen fwèt pou kale viktim yo.

Yo bay kèk moun 100 dola ameriken pou ale men , sa pa menm ase pou yon fanmi manje nan yon semen alevwa pou ta anfème yon kay. Sa se sitiyasyon plizye milye moun ki deja ap pase mizè nan lapli soley san manje san swen santé, kounye pou yo pa men jwenn kote pou dòmi sa pral pi rèd nèt pou yo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: