Eleksyon magouy, alyans chanpwèl, mobilizasyon jeneral pou anilasyon total

Depi 6zè mwen sou de pye mwen ap vizite biwo vòt nan tout kapital la, premye konsta nan sit solèy kote biwo a ouvè a 8è, men te gen moun andedan ki t’ap anpli bilten e mandate anpil pati politik te rete deyò, nan kanaran kit e dwe gen yon biwo li pa janm rive pou jis moman n’ap pale la a, nan koray kit e gen yon biwo ak yon lis 39 moun eleksyon an te kraze.
Nan lekol nasyonal damyen ki gen yon sant kote plis pase 16 mil moun te dwe vote, jiska midi pa’t ko gen 500 moun kit e rive vote. Sitiyasyon an ale pi grav nan kafou kote machin gouvènman tem ache depose patizan yon an biwo vòt pou al vote pandan moun pa ka jwenn non yi sou li pandan plizyè plis pase demi jounen.

Tout sa yo se rezon ki fè nou di eleksyon an pa bon.

Premye fwa nan litwa Ayiti se premye wa gen yon alyans ki fè avèk 12 kandida, men kounye a aprè rezilta chanpwèl konsèy electoral 2 nan douz kandida yo deside retire kò yo. Sa ki ap diskite anba tab se ta ” kominote entènasyonal la kita fòse gouvènman ak KEP a pou òganize yon dezyèm tou ant Madame Manigat e Michel Martely.

Kounye nou wè a klè ki kalite kandida nou gen devan nou k’ap mande pou ba yo pouvwa, si nan mwens pase yon jou 2 kandida ka deside trayi yon koz ki nòb konsa nan 5 lane gen plis bagay ki ka pase.

Ni Michel Martely ni madan Maniget k’ap mande chanjman nan sistèm politik pa prè pou sa y’ap mande a, paske jodi a yo rantre nan ti negosyasyon anba tab pou pran pouvwa, paske jodi a aprè negosyasyon yo deside ale nan dezyèm tou.

Yon lòt fwa ankò ayisyen rate yon okazyon kote tout t’ap mande anilasyon epi nan yon ti moman yo di yo retounen nan kous la, yon lòt fwa ankò se yon yon pou ayisyen.

Jodi a Wyclef ki se yon ajan vyolans vin preche viktwa oubyen y’ap fè deblozay nan peyi a, n’ap raple deklasyon Wyclef pa gen okenn enpòtans paske se yon biznisman ki vin regle zafè pèsonèl li e fè pwomosyon pou nouvo album li, okenn moun pa dwe pran serye sa Wyclef di.

Kounye a nou menm ayisyen jounalis, obsèvatè, sosyete sivil, tout moun an jeneral dwe mobilize pou eleksyon yo anile e refèt an jeneral paske kominote entènasyonal la vle enpoze yon dezyèm tou ki pa’t gen premye tou. Si nou pa mobilize pou fòse yo kraze KEP sa a epi refè eleksyon an sa pral yon wont nasyonal paske 28 novanm pa’t gen eleksyon se te yon jounen gagòt elektoral ak demagoji politik.

Se pou tout moun kanpe ak kandida k’ap mande anailasyon pou nou pran lari pou manifeste pou fòse gouvènman an pran responsablite yo e respekte peyi.

Mobilizasyon san pran souf pou anilasyon eleksyon 28 novanm y oak revokasyon KEP konwonpi sa a, pou yon lòt eleksyon.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: