Operasyon deboulonnen MINISTA Kolera Kadejakè

Noumenm òganizasyon nan mouvman sosyal popilè a, ki regwoupe andedan Kolektif Mobilizasyon Pou Dedomaje Viktim Kolera yo, n ap denonse zak krimièl MINISTA kontinye ap fè nan peyi a epi pou nou anonse yon seri aktivite n ap fè kont okipasyon an. Pou mande jistis ak reparasyon pou tout moun ki viktim zak kriminèl MINISTA yo, an patikilye viktim Kolera, represyon ak Kadejak. Kolektif la lanse yon mobilizasyon ki pote non: “Operasyon Deboulonnen MINISTA Kolera Kadejakè”. Nan kad operasyon sa a, Kolektif la konte lanse yon ansanm aktivite tankou: petisyon, aksyon an repasyon sivil kont MINISTA, manifestasyon epi tribinal popilè pou jije MINISTA ak moun k ap sipòte l yo.

Nasyonzini prevwa nan bidjè li, 50 mil dola ameriken plis lòt frè, pou chak moun ki viktim anba zak fòs okipasyon yo, nan tout peyi kote yo ye sou latè. Men, otorite yo pa vle popilasyon an konn sa. Pandan n ap prepare pou n al pote plent kont fòs okipasyon kolera kadejakè yo, n ap kontinye mobilize pou nou fòse Nasyonzini repare tout viktim yo. N ap mobilize pou nou mande palman an pou li pran yon rezolisyon pou fòse pouvwa anplas la pa renouvle manda MINISTA epi pran dispozisyon pou fòs okipasyon kadejakè a pati kite peyi a san pèditan.

Se pou tout rezon sa yo, nou mande tout popilasyon an, an patikilye : travayè laprès, ouvriye, peyizan, timachann, etidyan, pwofesè, elèv lekòl, jenn fanm ak jenn gason nan katye popilè yo, pote kole nan yon manifestasyon n ap fè mèkredi 14 sektanm nan pou mande MINISTA rache manyòk li epi pou mande jistis ak reparasyon pou viktim yo. Manifestasyon sa a ap rasanble nan Fònasyonal a 9vè tapan nan maten. Pakou manifestasyon an se: Fò Nasyonal, Sanfil, Kafou Peyan, Ri Senmaten Pwolonje, Ri Doktè Obri, Pèpetyèl, Ri Montalè, Lali, premye enpas Lavo, Bwavèna, Avni Mayi, Channmas.

Siyen Kolektif mobilizasyon pou dedomajman tout viktim kolera yo.

Tèt Kole Oganizasyon Popilè yo, Batay Ouvriye, Mouvman Demokratik Popilè (MODEP), Bri Kouri Nouvèl Gaye, Mouvement De Liberté, d’Egalité Pour la Fraternité Des Haitiens (MOLEGHAF), Platforme Des Emploiyés Victimes Des Entreprises Publiques (PEVEP), Komite Relèvman Divivye (KRD), Asanble vwazen Solino (AVS), CHANDEL, Défensseurs Des opprimés (DOP), Gwoup K ap Reflechi Sou Pwoblèm Sosyal yo (GREPS), Sèk Gramsci, Débats Jeunes.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: